સી.એમ સેતુ યોજના સરકારશ્રીના આરોગ્ય અને પરિવાર કલ્યાણ વિભાગના તા. ૦૪/૦૬/૨૦૧૩ના ઠરાવથી સી.એમ.સેતુ યોજના શરૂ કરવામાં આવેલ છે. આ યોજના અંતર્ગત તજ્જ્ઞોને નિમણૂક આપવા અંગે કલેકટરશ્રીની અધ્યક્ષતામાં સમિતિની રચના કરવામાં આવેલ. આ યોજના અંતર્ગત તજ્જ્ઞોને કલાકના ૬૦૦/- લેખે મહેનતાણું ચૂકવવામાં આવતું હતું, જેમાં તજ્જ્ઞોને રોજના ત્રણ કલાક, અઠવાડિયાના ૧૮ કલાક અને માસિક મહત્તમ ૭૨ કલાક સેવાઓ આપવાનું નક્કી કરવામાં આવેલ. આ યોજના હેઠળ તજ્જ્ઞોને એક કલાકના ૦-૨૫ કિ.મી માટે રૂ.૭૦૦/- ૨૫-૫૦ કિ.મી માટે રૂ. ૮૦૦/- અને ૫૧ થી ઉપરના અંતર માટે રૂ. ૯૦૦/- મહેનતાણું ચૂકવવાનું નકકી કરવામાં આવેલ છે. સંસ્થા ખાતે તજ્જ્ઞ વર્ગ-૧ની જગ્યા મંજૂર થયેલ હોય અને ખાલી હોય તો જગ્યા કમિટી દ્વારા મંજૂરી આપી ભરી શકાય છે, અને સંસ્થા ખાતે તજ્જ્ઞની જગ્યા મંજૂર ન થયેલ હોય તેવા સંજોગોમાં કમિશ્નરશ્રી આરોગ્ય, તબીબી સેવાઓ, તબીબી શિક્ષણની પુર્વમંજુરી મેળવીને જે તે તજજ્ઞની સેવાઓ લઈ શકાશે. જીલ્લા હોસ્પિટલો ખાતે મહત્તમ ૫, સબ ડિસ્ટ્રિક્ટ હોસ્પિટલ ખાતે ૪ અને સીએચસી ખાતે ૨ તજજ્ઞોની નિમણુક કરી શકાય છે.